Футбол бўйича Ўзбекистон олимпия термаси БАА клубини мағлуб этди
Самвел Бабаян бошчилигидаги Ўзбекистон олимпия терма жамоаси Дубайдаги йиғин доирасида Бирлашган Араб Амирликларининг «Ажман» клубига қарши ўртоқлик учрашувида майдонга тушди. Бу ҳақда Ўзбекистон футбол федерацияси матбуот хизмати хабар бермоқда.
БАА Про-лигаси вакилига қарши кечган ушбу назорат учрашуви Ўзбекистон олимпия терма жамоасининг йирик ғалабаси билан якунланди. Ўйиннинг ҳар икки таймида Ўзбекистон олимпиячилари мураббийлар штаби икки хил таркибни майдонда синаб кўрди. Биринчи бўлимда ҳаракат қилганлардан Жамшид Искандеров, Достон Ҳамдамов ҳамда Элдор Шомуродов ўз ҳисобига гол ёзиб қўйишни уддалади ва тайм 3:0 ҳисобида ўзбекистонликлар фойдасига якун топди.
Иккинчи бўлимда ҳам Ўзбекистон олимпия терма жамоаси яна бир голни нишонлашга эришди. Ўйиндаги сўнгги голни Жавоҳир Расулов 11 метрлик жарима зарбасини аниқ амалалга оширган ҳолда киритди – 4:0.
Назорат учрашуви
