Ироқ Ташқи ишлар вазирлиги 5 декабрь, шанба куни Бағдодда Ироқнинг Мосул шаҳри яқинидаги ҳудудга турк ҳарбийларининг жойлаштирилиши муносабати билан норозилик нотасини топшириш учун Туркия элчисини чақирди. Бу ҳақда «Корреспондент.net» хабар беради.
Анқарадан қўшинларни зудлик билан чиқариб кетиш талаб этилди.
Расмий баёнотда турк армияси Бағдод ҳукуматини хабардор этмасдан Ироқ чегарасидан ўтганлиги маълум қилинди. Ироқ бу ҳаракатларни ва турк аскарларининг мамлакат ҳудудида бўлишини душман ҳаракати деб баҳолади.
Туркия бош вазири Ахмет Довудўғли ўз армиясининг Ироқ ҳудудидаги ҳаракатларини «ротация айланиши» ва «хавфсизликка таҳдид шароитида қўшимча куч» деб атади. Унинг сўзларига қараганда, буни бошқача талқин қилиш провакация ҳисобланади.
Эслатиб ўтамиз, Ироқ турк ҳарбийлари ротасининг Мосул шаҳри яқинидаги Башик ҳудудига ташланишини ўз суверенитетининг бузилиши деб атаб, Туркия қўшинларининг зудлик билан чиқарилишини талаб қилган эди.
Изоҳ (0)