Ўзбекистон прокуратура органлари томонидан 2015 йил давомида қонунлар ижроси бўйича ўтказилган 17 мингдан ортиқ текширув якунларига кўра 115 228 та прокурор назорати ҳужжати қўлланилди. Бу ҳақда Ўзбекистон Бош прокурори Ихтиёр Абдуллаев Олий Мажлис Сенати тўртинчи ялпи мажлисида маълум қилди, дея хабар бермоқда ЎзА.
Бундан ташқари, ҳисобот даврида ўтказилган ушбу текширувлар давомида 87 094 нафар фуқаронинг бузилган ҳуқуқлари тикланди.
«Давлат органларининг қонун ҳужжатларига зид бўлган 19 578 та ҳужжати устидан арз қилинди. Натижада кейинчалик ушбу ҳужжатлар бекор қилинди ёки қонун ҳужжатларига мувофиқ ҳолга келтирилди», — дейилади ЎзА ахборотида.
Изоҳ (0)