Вақтинча хизмат вазифасидан четлаштирилган Халқаро футбол федерацияси (ФИФА) президенти Жосеф Блаттер ташкилотнинг фахрий президенти лавозимини эгаллашни истамоқда. Бу ҳақда «ТАСС» берган маълумотларга асосланиб, «Ведомости» хабар бермоқда.
«Блаттер ФИФАнинг фахрий президенти лавозимига сайланиш учун ҳаракат қилмоқда», ― дея маълум қилди унинг маслаҳатчиси Клаус Штолкер.
2015 йил октябрь ойининг бошларида ташкилот президенти Жосеф Блаттер ва Платини ФИФА ахлоқ қўмитаси томонидан эгаллаб турган лавозимларидан ва ҳар қандай футбол фаолиятидан 90 кун муддатга четлатилган эди. ФИФА президенти ФИФА маблағлари ҳисобидан 2 миллион Швейцария франки миқдоридаги тўловларни ноқонуний равишда Платинига тўлаб берганликда гумон қилинмоқда. Платини ҳам, Блаттер ҳам ушбу ҳукмдан норози бўлиб, ФИФАнинг апелляция қўмитасиқа шикоят берган.