Жорий йилнинг октябрь—ноябрида сунъий йўлдошлардан олинган маълумотлар Шимолия Корея Пунгери ядро полигонида синовлар ўтказиш учун янги туннель қурилиши бўйича ер қазиш ишларини бошлаганидан дарак бермоқда, деб ёзади «РИА Новости» Америка ва Жанубий Кореянинг 38 North порталига таяниб.
«Бу туннель полигоннинг янги ҳудудида жойлашади. У ерда ундан ташқари яна учта туннель бор, уларни КХДР аввалроқ қазиган ва ядро синовларини ўтказган. Ядро синовларини олиб бориш кутилаётгани бўйича ҳозирча ҳеч қандай аломатлар йўқ, бироқ янги туннель Шимолий Кореянинг Пунгерида яқин йиллар ичида янги портлашларни содир этиб кўриш имкониятини оширади», — дейилади Жон Хопкинс номли университет қошидаги Америка-Корея институти олимлари хулосаларига асосланиб ёзилган хабарда.
Изоҳ (0)