«Барселона» ҳужумчиси Лионель Месси Испания Ла Лигасининг «Реал»га қарши учрашувини захира ўриндиғида бошлайди. Бу ҳақда «Arena.uz» хабар қилмоқда.
Ўйин 21 ноябрь куни Тошкент вақти билан 22:15 да бошланади.
Хабарга кўра, аргентиналик форвард соғлиғи устида таваккал қилмоқчи эмас. Каталония клуби у жароҳатдан тикланаётган вақтда Леосиз ҳам ғалабаларга эришиш мумкинлигини намойиш қилган. Шу сабабли Месси зарурат туғилган тақдирдагина класикода майдонга тушади. Ҳужумчи мураббийлар штабига 90 дақиқа ўйин ўтказишга ҳали тўлиқ тайёр эмаслигини маълум қилган.
Изоҳ (0)