Twitter’даги таҳдиддан кейин Франция самолётини Амстердамда шошилинч равишда текширишмоқда
Twitter’даги таҳдиддан кейин Парижга учиши керак бўлган Франция самолётини Амстердамда шошилинч равишда текширувдан ўтказишмоқда. Reuters агентлигининг хабар қилишича, Air France авиакомпаниясига тегишли самолётдан барча йўловчилар эвакуация қилинган, деб ёзади «Газета.ru».
Парижда 13 ноябрь куни рўй берган туркум терактлар натижасида камида 128 киши ҳалок бўлган. Шаҳар полицияси саккиз нафар террорчи ўлгани ҳақида маълумотга эга. Франция пойтахтида фавқулодда ҳолат эълон қилинган. Франция президенти Франсуа Олланднинг сўзларига кўра, терактларни ИШИД террорчилик гуруҳи амалга оширган.
