Москвада шайх Муҳаммад Содиқ Муҳаммад Юсуфнинг китоблари сотиладиган дўкон очилди

Россия пойтахти Москва шаҳрида ноябрь ойидан «Ҳилол» нашриёти уйининг янги китоб дўкони иш бошлади. Бу ҳақда «Muslimaat.uz» хабар бермоқда.

Ушбу дўкон шайх Муҳаммад Содиқ Муҳаммад Юсуфнинг китоблари ва улар асосида тайёрланган медиамаҳсулотлар савдоси билан шуғулланади.

Қайд этишларича, дўкондан шайхнинг ўзбек ва рус тилларидаги китоблари ва аудиодискларини харид қилиш мумкин.

Хабар беришларича, дўкон Москва шаҳри, Пятницкий кўчаси, 54-уй, 2-корпус, 6-иншоотда жойлашган. Қўшимча маълумот «Ҳилол» нашриёт уйининг расмий сайтида келтирилган.