Футбол бўйича 2016 йилги Европа чемпионати (Евро—2016) саралаш плей-офф босқичининг дастлабки ўйинлари бошланди. «Stadion.uz» хабарига кўра, 12 ноябрь куни Норвегия терма жамоаси ўз майдонида Венгрияни қабул қилди.
Учрашувнинг 26-дақиқасида Ласло Кляйнхайслер томонидан киритилган гол Венгрияга ғалаба келтирди. Жуфтликнинг жавоб учрашуви 15 ноябрь, якшанба куни ўтказилади.
Маълумот учун, 13—14 ноябрь кунлари плей-оффнинг қолган уч жуфтлиги ҳам ўз учрашувларини ўтказади. Хусусан, 13 ноябрь куни Босния ва Герцеговина — Ирландия, 14 ноябрь куни эса Украина — Словения, Швеция — Дания учрашувлари бўлиб ўтади.
Евро-2016 саралаш, плей-офф, дастлабки ўйин
НОРВЕГИЯ — ВЕНГРИЯ 0:1 (0:1)Гол: Кляйнхайслер (26).
НОРВЕГИЯ: Нюланд, Форрен, Ховланд, Хегли, Элабделлауи, Шелбред (Хелланн, 86), Тетти, Юхансен, Хенриксен, Бергет (Элюнусси, 74), Тофт-Содерлунд (Педерсен, 61).
ВЕНГРИЯ: Кирай, Гузмич, Кадар, Фиола, Ланг, Элек, Кляйнхайслер (Над, 72), Жужак (Ловренчич, 76), Гера, Немет, Салаи (Пришкин, 90).
Изоҳ (0)