Facebook раҳбарияти расмийлардан фойдаланувчилар ҳақидаги маълумотлар бўйича сўровлар кўпайгани ҳақида маълум қилди. Бу ҳақда ижтимоий тармоқнинг 11 ноябрь, чоршанба куни эълон қилинган ҳисоботида хабар берилган.
Ҳужжатга кўра, 2015 йил олти ойи давомида турли мамлакатлар ҳукуматларидан фойдаланувчилар ҳақидаги маълумотларни ошкор этиш юзасидан 40 мингдан зиёд сўров келиб тушган. Бу ўтган йилнинг шу даврига нисбатан 18 фоизга кўп.
Шунингдек, турли давлат расмийлари талабига кўра фойдаланувчилар учун ёпишга тўғри келган контентлар ҳажми 112 фоизга кўпайгани қайд этилган. «Биз фойдаланувчиларимизга оид маълумотларни ҳимоя қилиш учун расмийлардан келиб тушаётган сўровларни ўрганишда давом этамиз», — дея таъкидланган компания томонидан тарқатилган хабарда.
Изоҳ (0)