Абрамович Моуриньони ҳозирча бўшатмасликка қарор қилди

«Челси» бош мураббийси Жозе Моуриньо терма жамоалар ўйини билан боғлиқ танаффус вақтида истеъфога чиқмайди. Бу ҳақда  «Корреспондент.net» хабар берди.

Англия премьер лигасидаги кетма-кет уч мағлубиятга қарамай, «Челси» хўжайини Роман Абрамович жамоа бош мураббийи Жозе Моуриньони ҳозирча бўшатмасликка қарор қилди. The Times маълумотига кўра, португалиялик терма жамоалар ўйини билан боғлиқ танаффус чоғида истеъфога чиқарилмайди ва клубни чемпионатнинг келгуси ўйинига тайёрлаши мумкин. Шу билан бирга, Абрамович жамоанинг мағлубиятлари давом этган тақдирда Моуриньога бошқарувни кафолатлай олмаслиги таъкидланмоқда.

Олдинроқ Жозенинг «Монако»га ўтиши ҳақида овозалар тарқалганди, бироқ француз клуби бу хабарни инкор этди.