Европа тикланиш ва тараққиёт банки 2015 йилда Ўзбекистон ялпи ички маҳсулоти 7,5 фоизга ўсишини маълум қилди
Европа тикланиш ва тараққиёт банки Ўзбекистонда 2015 йилда ялпи ички маҳсулот 7,5 фоизга ўсишини маълум қилди. Бу ҳақда UzDaily ташкилотнинг ноябрь ойи ҳисоботига таяниб хабар беради.
Таъкидлаш жоизки, 2015 йилнинг май ойида банк Ўзбекистон иқтисодиёти 2015 йилда 7 фоизга ўсишини маълум қилган эди.
Европа тикланиш ва тараққиёт банки мутахассислари Ўзбекистоннинг 2016 йилги иқтисодий ўсиши 7,2 фоизни ташкил этиши ҳақидаги маълумотга ўзгартириш киритмади.
Банкнинг маълум қилишича, 2014 йилда Ўзбекистонда инфляция даражаси 8,4 фоизни ташкил этгани ҳолда, 2015 йилда бу кўрсаткич 8,8 фоизни ташкил этади.
Ҳисоботда таъкидланишича, Россиядаги вазият Ўзбекистон иқтисодий шароитига таъсир қилади. Сабаби Россиядан Ўзбекистонга юборилаётган пул ўтказмалари ҳажми қисқаради.
