Франциянинг Европада бирдамлик учун ҳаракати Charlie Hebdo карикатураларини қоралаб чиқди
Франциянинг Европада бирдамлик учун ҳаракати (ROUE) Charlie Hebdo ҳафталик журналининг Россия самолётининг Синай ярим оролида қулаши мавзусидаги карикатураларини қоралади. Ҳаракат раиси Мишель Гримар буни «шармандалик» деб атаган. Бу ҳақда «ТАСС» хабар бермоқда.
«Бутун мамлакатнинг қайғусига сабаб бўлган фожиага бундай енгил-елпи ёндашув мазкур карикатуралар муаллифларига яхши ном олиб келмайди, — дея ҳисоблайди Гримар. — Бундай шармандали карикатураларни сўз эркинлиги билан оқлаб бўлмайди».
Олдинроқ расмий Париж ҳафталик чоп этган карикатураларга дахли йўқлигини маълум қилганди. Мамлакат ТИВ вакили «авиалайнер ҳалокати ҳақида хабарлар пайдо бўлиши билан Франция биринчилардан бўлиб Россия расмийлари ва халқига ҳамдардлик билдиргани»ни эслатди.
