Шимолий Кореяда сайёҳлар учун ноябрь ойидан бошлаб антиқа томоша — пойтахт Пхеньянни Ми-17 вертолёти ёрдамида томоша қилиш таклиф этилади. Бу ҳақда «Корреспондент.net» хабар бермоқда.
Хитойнинг Young Pioneer Tours агентлиги вакили Роуэн Бирднинг айтишича, мазкур экскурсия давомида Тедоган дарёси устидан ва 105 қаватли Ryugyong Hotel меҳмонхонаси атрофида учиб ўтиш, дунёдаги энг катта стадионлардан бири May Day, мамлакат доҳийларига ўрнатилган ҳайкаллар, Корея ишчи партияси монументини юқоридан кузатиш имкони туғилади.
Қизиқ томони, вертолётдаги саёҳат давомида фотосуратга олишга рухсат берилади. Ғаройиб эскурсия 30—40 дақиқа давом этади, нархи эса 195 доллардан иборат.
Эслатиб ўтамиз, норасмий маълумотларга кўра, Шимолий Кореяга ҳар йили 6 мингга яқин турист (асосан хитойликлар) ташриф буюради.
Изоҳ (0)