Александр Лукашенко Беларусь президенти вазифасини бажаришга киришди
Беларуснинг қайта сайланган президенти Александр Лукашенко расман давлат раҳбари вазифасини бажаришга киришди. Бу ҳақда «РИА Новости» хабар бермоқда.
Фото: «РИА Новости»
Мустақиллик саройида, мингдан зиёд меҳмонлар иштирокида Лукашенко мамлакат Конституциясига қўлини қўйиб, республика халқига садоқат билан хизмат қилиш, фуқароларнинг ҳуқуқ ҳамда эркинликларини ҳурмат қилиш ва асраш, мамлакат Конституциясига риоя этиш ва ҳимоя қилиш, ўзига юклатилган юксак мажбуриятларни сидқидилдан бажаришга қасамёд этди. Марказий сайлов комиссияси раиси Лидия Ермошина Лукашенкога президентлик гувоҳномасини топширди.
Эслатиб ўтамиз, Беларусь президентлигига сайловлар 11 октябрда бўлиб ўтди ва унда мамлакатни 1994 йилдан бери бошқариб келаётган Лукашенко 83,5% овоз тўплаб, ғолиб чиқди. У Беларуснинг биринчи ва ҳозирча ягона президенти ҳисобланади.
Изоҳ (0)