Ўзбекистонлик теннисчи Шофайзиев Эрондаги турнирда чорак финалга чиқди

Эрон пойтахти Теҳрон шаҳрида теннис бўйича «Фьючерс» туркумига кирувчи, соврин жамғармаси 10 минг АҚШ долларидан иборат турнирнинг асосий тўр баҳслари давом этмоқда. Ушбу мусобақада Шониғмат Шофайзиев Ўзбекистон шарафини ҳимоя қиляпти, деб хабар беради «Оламспорт».

Шониғмат илк босқичда грузиялик Георги Жавахишвилини икки сетда ҳам бир хил 6:4 ҳисобида мағлуб этган эди.

Шофайзиев чорак финалга бериладиган йўлланма учун ўтказилган иккинчи давра учрашувида ҳам зафар қучди. Бу сафар ўзбекистонлик теннисчи мусобақанинг олтинчи ракеткаси австралиялик Томас Фанкаттни қийинчилик билан 7:6, 7:6 ҳисобида енгди.