Bloomberg Елизавета II нинг бойлигини ҳисоблаб чиқди

Буюк Британия қироличаси Елизавета II нинг бойлиги 425 миллион доллар (276,7 миллион фунт)ни ташкил этади, деб хабар беради Bloomberg.

Бу кўрсаткич бўйича у Британиянинг энг бадавлат кишиси Жеральд Гросвенордан (14 миллиард доллар) 33 марта ортда қолади. Европанинг энг бой аёли – Лилиан Бетанкур эса 32 миллиард доллар бойликка эга.

Агентликнинг таъкидлашича, бу ерда сўз 89 ёшли монархнинг фақат шахсий маблағлари ҳақида бормоқда. Британия қироллик оиласи жами 20 миллиард фунт стерлинг активларга эга бўлиб, улар ишончли бошқарув остидадир.

Эслатиб ўтамиз, Буюк Британия қироличаси Елизавета II 2015 йилнинг 9 сентябрь оқшомида мамлакат тарихидаги энг узоқ ҳукмронлик қилган монархга айланди.