Америка Ҳарбий ҳаво кучлари янглишиб 11 нафар афғон полициячисини ўлдирди

Америка Ҳарбий ҳаво кучлари авиаҳужуми натижасида камида 11 нафар афғон полициячиси ҳалок бўлди. Бу ҳақда Interfax хабар беради.

Ҳужум 6 сентябрь, якшанба куни мамлакатнинг жанубий қисмида жойлашган гиёҳванд моддаларга қарши курашиш бўлинмасига нисбатан уюштирилган. Гуруҳ жами 30 нафар ходимдан иборат бўлиб, уларнинг бир қисми яраланган.

Афғонистон Ички ишлар вазирлиги ҳодисани афғон ва Америка қуролли кучлари ҳаракатларининг етарли даражада мувофиқлаштирилмаганлиги оқибати деб ҳисобламоқда.