Ҳиндистон жанубида яшин уриши оқибатида ҳалок бўлганлар сони 34 кишига етди

Ҳиндистон жанубидаги Андхра-Прадеш ва Орисса штатларида 34 киши яшин уриши натижасида ҳалок бўлди. Бу ҳақда «РИА Новости» хабар бермоқда.

6 сентябрь, якшанба куни, Бенгалия кўрфазида устида паст ҳаво босимининг кузатилиши натижасида, Андхра-Прадеш штатига момақалдироқли кучли ёғингарчилик ёпирилди. Оқибатда мазкур штатда 22 киши, қўшни Орисса штатида эса 12 киши ҳалок бўлган.

Ҳалок бўлганларнинг қарийб барчаси деҳқонлар ёки уйсиз кишилар бўлган.