Польшада 6 сентябрь, якшанба куни солиқ қонунчилигига ўзгартиришлар киритиш, Сеймга сайловларда бир мандатли округларни жорий этиш ва сиёсий партияларни молиялаштириш масалалари овозга қўйилган умумхалқ референдуми бошланди. Бу ҳақда «Корреспондент.net» хабар бермоқда.
Польша давлат сайлов комиссияси (ДСК)нинг маълум қилишича, сайлов участкалари маҳаллий вақт билан якшанба куни соат 6:00 да очилган ва 22:00 гача очиқ бўлади. Қайд этишларича, референдумни ўтказиш учун Польша бюджетидан 90 миллион злотий (тахминан 24,3 миллион доллар) ажратилган.
ДСК раиси Войчех Гермелинскийнинг маълум қилишича, комиссия референдум куни давомида фуқароларнинг иштироки ва овоз беришнинг оралиқ натижалари ҳақидаги ахборотларни эълон қилмайди, фақат 7 сентябрь, душанба куни — барча овозлар ҳисоблаб бўлинганидан сўнг, референдумнинг якуний натижалари эълон қилинади.
CBOS жамоатчилик фикрини ўрганиш марказининг сўнгги сўрови маълумотларига кўра, референдумда иштирок этадиган сайловчилар сони 50 фоизга ҳам етмаслиги мумкин ва бу ҳолатда референдум амалга ошмаган, деб ҳисобланади.
Изоҳ (0)