Исроил бош вазирини ҳибсга олишни талаб этувчи арзномани 100 минг киши имзолади

Исроил бош вазири Биньямин Нетаньяхунинг ҳарбий жиноятлар учун ҳибсга олинишини талаб қилувчи арзномани Буюк Британиянинг 100 минг фуқароси имзолади, дея хабар бермоқда «Коммерсант».

Арзнома 7 август куни Буюк Британия парламенти сайтига жойланган эди. Унинг муаллифи Дэмиан Моран сиёсатчини 2014 йилда икки мингдан ортиқ кишини ўлдиргани учун ҳибсга олишга чақирди.

Таъкидланишича, қонун бўйича, арзнома 100 минг киши томонидан имзоланса, у парламентда кўриб чиқилиши керак.