Эстония Россия билан чегарасида девор қурмоқчи

Эстония Полиция ва чегарани қўриқлаш департаменти Россия билан қуруқликдаги чегарада девор қуришни режалаштирмоқда, деб хабар берди «ТАСС».

Баландлиги 2,5 метр, узунлиги 108 километр бўладиган деворга қўшимча равишда ёввойи ҳайвонлар ўтмаслиги учун махсус тўсиқлар ҳам қурилади. Ботқоқ ҳудудларида девор қурилмайди, фақатгина чегара устунлари ўрнатилади.

Чегарани қўриқлаш учун видеокамералар ҳамда учувчисиз аппаратлардан ҳам фойдаланиш режалаштирилмоқда. Чегарани техник жиҳатдан мустаҳкамлаш бўйича ишлар 2018 йилда бошланади. Лойиҳанинг умумий қиймати 71 миллион еврога баҳоланган.