Ўзбекистонда ишлаб чиқариладиган Chevrolet Аvео суратлари интернетда тарқалди

Facebook’даги «Водители Ташкента» гуруҳига GM Uzbekistan қўшма корхонаси томонидан ишлаб чиқарилиши режалаштирилаётган Т250 (Chevrolet Аvео) моделининг суратлари жойлаштирилди, деб хабар бермоқда «12news.uz».

Ижтимоий тармоқлар фойдаланувчиларининг фикрича, автомобилнинг ташқи кўринишида Ўзбекистонда ишлаб чиқарилган бошқа бир модель — Chevrolet Epica’ни эслатиб юборади.

Эслатиб ўтамиз, 2014 йил сентябрь ойида ҳукумат қарори билан «Ўзавтосаноат» акциядорлик компанияси вакиллари General Motors Узбекистан Ўзбекистон-Америка қўшма корхонасида янги Т250 (Chevrolet Аvео) моделидаги автомобилларни серияли ишлаб чиқаришни ташкил этиш бўйича лойиҳани амалга оширишга киришган эди.