АҚШ ҳарбий-ҳаво кучларининг иккита C-17 ҳарбий-транспорт самолётлари Финландия ҳаво кенгликларини бузди. Бу ҳақда, «Korrespondent.net» хабарига кўра, Финландия Мудофаа вазирлиги маълум қилди.
Маълум бўлишича, самолётлар Аланд оролларидан жануброқда ҳаво чегараларини бузиб ўтган. Дастлабки маълумотларга кўра, АҚШ самолётлари шарқдан учиб келган ва Финландия ҳаво кенгликларида тахминан 15 дақиқа бўлган.
Ҳозирги вақтда мазкур ҳолат юзасидан тергов-суриштирув ҳаракатлари бошланган. АҚШ томони ҳозирча мазкур айбловга нисбатан ҳеч қандай муносабат билдиргани йўқ.
Аввалроқ, июнь ойида Финландия ўз ҳаво кенгликлари Россия ҳарбий-ҳаво кучлари томонидан бузилгани ҳақида маълум қилганди.
Изоҳ (0)