Халқаро шахмат федерацияси ФИДЕ шахматчиларнинг август ойи учун рейтингини эълон қилди. Унга кўра, 17-жаҳон чемпиони Рустам Қосимжонов рейтингда 43-ўринни эгаллаб турибди. Қосимжонов ўтган ойдаги ўрнига нисбатан уч поғонага пастлаган, деб хабар беради «Olamsport.com».
Амалдаги жаҳон чемпиони норвегиялик Магнус Карлсен ҳамон рейтинг пешқадами бўлиб турибди. Собиқ жаҳон чемпиони ҳиндистонлик Вишванатан Ананд иккинчи, яна бир собиқ жаҳон чемпиони болгариялик Веселин Топалов учинчи ўринни банд этган.
Кучли ўнталик: Магнус Карлсен (Норвегия) — 2853, Вишванатан Ананд (Ҳиндистон) — 2816, Веселин Топалов (Болгария) — 2816, Хикару Накамура (АҚШ) — 2814, Фабиано Каруана (АҚШ) — 2808, Аниш Гири (Голландия) — 2793, Уэсли Со (АҚШ) — 2779, Владимир Крамник (Россия) — 2777, Александр Гришук (Россия) — 2771, Лирен Динг (Хитой) — 2765... Рустам Қосимжонов (Ўзбекистон) — 2704.
Изоҳ (0)