Руминия бош вазирининг квартираси солиқ тўламагани учун хатланди

19 август, чоршанба куни ноқонуний даромад олиш ва солиқ тўлашдан бош тортишда айбланаётган Руминия бош вазири Виктор Понтанинг квартираси хатланди. Унинг солиқдан бўйин товлашдаги иштироки туфайли давлат бюджети кўрган зарар 51,3 минг лей (тахминан 12 минг доллар)ни ташкил этган. Бу ҳақда мамлакат коррупцияга қарши кураш Миллий директорати маълумотларига таяниб, «Европейская правда» хабар бермоқда.

Бош вазир «Шова ва шериклар» фирмасида адвокат бўлиб ишлаган пайтларидаги қилмишлари учун айбланмоқда: директорат маълумотларига кўра, фирма Понтага бажармаган иши учун 181 минг лей берган, устига-устак, бу маблағдан солиқ тўланмаган.