Таиланд бош вазири Прают Чан-Оча 18 август, сешанба куни янги ҳукумат шакллантирилганини эълон қилиб, қиролга тасдиқ учун номзодларни тақдим этди. Бу ҳақда «РИА Новости» хабар бермоқда.
Ҳукуматдаги ўзгаришлар ҳақидаги хабар Бангкокда 21 киши ҳаётдан кўз юмиши, 123 киши жароҳатланишига сабаб бўлган портлашлар рўй берган куннинг эртасига пайдо бўлди.
«Янги номзодларни тақдим этдим ва энди қиролнинг маъқуллашини кутмоқдаман», —дея таъкидлаган бош вазир. Аммо ҳукуматдаги ўзгаришлар тафсилотлари, бўлажак вазирларнинг ким эканлигини маълум қилмаган.
Изоҳ (0)