Андижонлик ўқувчи қиз Венециядаги мусиқий фестиваль совриндори бўлди

Андижон вилояти Жалақудуқ туманидаги 1-сонли мактабнинг тўққизинчи синф ўқувчиси Мафтуна Маҳмуджонова Венециядаги «Орфей Италияда» мусиқий фестивалида иккинчи даражали дипломга эга бўлди, дея хабар бермоқда «Туркистон-пресс».

Италиядаги танловга йўлланмани Мафтуна «Рус маданияти сарчашмалари» халқаро фестивалида қўлга киритган эди. Москвада бўлиб ўтган ушбу фестивалда ёш қўшиқчи Европа, Осиё, МДҲ мамлакатлари вакиллари орасида учинчи ўринни эгаллаган эди.