АҚШ давлат котиби Жон Керри Кубага тарихий ташрифини якунлаб, Гаванадан Вашингтонга учиб кетди. «РИА Новости» хабарига кўра, Керри сўнгги 70 йилдан бери Кубага ташриф буюрган АҚШнинг илк давлат котиби бўлди.
Жон Керри Гаванадаги Америка элчихонаси биноси узра АҚШ байроғини кўтариш маросимида қатнашди. Шунингдек, Керри АҚШ конгрессини Кубага қарши иқтисодий эмбаргони бекор қилишга чақирди.
Бундан ташқари, Керри Кубанинг Гуантанамосидаги АҚШ ҳарбий базаси мақоми ўзгариши мумкинлигини истисно қилмади, бироқ «ҳозирча Гуантанамонинг мақоми муҳокама қилинмаётгани»ни маълум қилди.
АҚШ президенти Барак Обама ва Куба етакчиси Рауль Кастро 2014 йил декабрида бундан 50 йил аввал узилиб қолган дипломатик муносабатларни қайта тикланиши, шунингдек, савдо, инвестициялар ва сафарлар билан боғлиқ баъзи чекловларнинг бекор қилиниши ҳақида эълон қилганди.
Изоҳ (0)