Япония сентябрда бўлиб ўтадиган БМТ Бош Ассамблеясининг 70-сессиясида ядро қуролини тугатиш бўйича янги резолюция лойиҳасини тақдим этади. Бу ҳақда мамлакат бош вазири Синдзо Абэ Хиросима шаҳридаги атом бомбардимони қурбонлари хотирасига бағишланган маросимда маълум қилди, дея хабар бермоқда «Корреспондент.net».
Эслатиб ўтамиз, 6 август, маҳаллий вақт билан соат 08:15 да (1945 йил 6 августда атом бомбаси портлаган пайт) Хиросимадаги Тинчлик боғида бир дақиқа сукут эълон қилинди. Хотира маросимида 55 мингдан ортиқ киши иштирок этди, улар орасида маҳаллий аҳоли, сиёсий ва жамоат арбоблари ҳамда дунёнинг 100 давлатидан келган вакиллар бор эди.
Изоҳ (0)