Chevrolet компанияси Таиландда аввалги авлод Cruze седанининг янгиланган версиясини намойиш этди, дея хабар бермоқда «Ўзавтосаноат» матбуот хизмати.
Автомобилнинг дизайни сезиларли равишда янгиланди: у икки қаватли радиатор панжараси, бошқача капот, ёруғлик диодли сигнал чироқлари билан интеграциялашган янги олд бампер билан жиҳозланди.
Седаннинг дум қисми ҳам янгича кўриниш олди: ёруғлик диодли орқа чироқлар янги Chevrolet Camaro купесиникига жуда ўхшаш бўлди, рақам тахтаси эса юкхона томидан бамперга кўчди.
Салондаги энг муҳим ўзгариш эса етти дюймли дисплей ва Chevrolet MyLink дастурий таъминотига эга янги мультимедиа тизими бўлди.
Изоҳ (0)