Ўзбекистондаги энг оммабоп интернет-нашрда ишлашни хоҳлайсизми? Дунё ва Ўзбекистондаги сўнгги янгиликларни ўз тенгқурларингизга мунтазам етказишни-чи? Ёшлар билан доим мулоқотда бўлишни-чи?
Биз бир неча ақлли, қизиқувчан ва интилувчан ёшларни ишга оламиз. Аммо Ўзбекистоннинг энг оммабоп интернет-нашрида ишлаш осон эмас! Аввалги берган эълонимиздан сўнг, бизга юзга яқин резюме келиб тушди ва шундан фақат биргина кишини ишга олдик.
Бизга зўр журналист керак!
Вазифаларингиз:
- «Дарё» интернет-нашри учун хабар ва муаллифлик мақолалари ёзиш;
- Чет эл интернет-нашрлари ва ахборот агентликлари хабарларини таржима қилиш;
- Facebook, Twitter, «Одноклассники» ва «Мулоқот»даги «Дарё» гуруҳларини ўзбек тилида юритиш;
- ва бошқа интернет-журналистикага боғлиқ вазифалар.
Бизда:
- Ойлик: 800 минг сўм ва ундан юқори;
- Янги, замонавий компьютер;
- Ёш, қизиқарли, хушчақчақ жамоа;
- Бепул, мазали тушлик (бай-бай-бай);
- Офисимиз шаҳарнинг қоқ марказида («Бунёдкор» метроси ёнгинасида);
- Расмий меҳнат шартномаси.
Сизга қўйиладиган талаблар:
- Ўзбек ва рус (ёки инглиз) тилларини мукаммал билиш;
- Лотин графикасига асосланган ўзбек ёзувини мукаммал билиш;
- Ёшингиз: 20 дан 30 гача;
- Олий маълумот (университетни битирган бўлишингиз керак);
- Компьютерда бемалол ишлаш;
- Тошкент шаҳри ёки Тошкент вилояти пропискаси (вақтинча прописка ҳам бўлиши мумкин).
Қизиқдингизми? У ҳолда:
Қуйидаги мақолаларни таржима қилиб, қисқартириб, «Дарё» стилистикасига мослаб, бизга юборинг:«Дарё» стилистикаси нима?
- Қисқа ва лўнда (160—200 сўз);
- Кириш сўз ва хотима;
- 20—30 ёшли аудиторияга қизиқ бўлган мавзу;
- Рақамларга эътибор;
- Ўзига жалб қилувчи сарлавҳа;
- Энига камида 900 пикселли фотосурат.
Юқоридаги талабларни бажарган ҳолда, таржималарингизни Microsoft Word форматида, резюменгиз билан бирга rezyume@simple.uz электрон манзилига юборинг.
Таъкидлаш жоиз, талабларга жавоб бермаган таржималар кўриб чиқилмайди.
[divide style="2"]
«Дарё» нашри ҳақида
«Дарё» интернет-нашри Simple Networking Solutions МЧЖга тегишлидир. Компания 2011 йилда ташкил топган бўлиб, ҳозирда «Мулоқот» ижтимоий тармоғи, «Дарё» интернет-нашри ва бошқа сайтларни юритади.«Дарё» нашрига бир ойда 600 000 дан ортиқ киши ташриф буюради. «Дарё» Ўзбекистондаги энг оммабоп онлайн-ОАВ бўлиб, 2014 йил ўтказилган Миллий .Уз домени интернет фестивалида ушбу кўрсаткич алоҳида эътироф этилган.
Ана шунақа! :)
Изоҳ (0)