Краснодар ўлкасида 7 йил аввал хатолик туфайли ўлими қайд этилган аёл тирик деб тан олинди

Россиянинг Краснодар ўлкаси Кримский туманида суд прокуратуранинг даъвосини қондириб, етти йил аввал хатолик туфайли маҳаллий фуқаронинг ўлими ҳақида ёзилган қайдларни бекор қилди, дея хабар бермоқда «ТАСС» ўлка прокуратураси матбуот хизматига таяниб.

Текширувлар кўрсатишича, туман ФҲДЁси 63 ёшли аёлнинг ўлимини 2007 йил 26 сентябрда жасад шахсини аниқлаш баённомаси (уни милиция ходимлари тузган) асосида қайд этган.

Аёлнинг ўзи ҳукуматга бир неча марта мурожаат қилиб, тириклигини маълум қилган, бироқ мансабдор шахслар унга ўлим ҳақидаги далолатноманинг бекор қилиниши фақат суд қарори асосида мумкин эканлигини айтган.