Россия президенти Владимир Путин Европа Иттифоқининг санкцияга тушган маҳсулотларини бевосита чегарада йўқ қилиш масаласини кўриб чиқиш ҳақида кўрсатма берди. Бу ҳақда «Eurointegration.com.ua» хабар бермоқда.
Россия қишлоқ хўжалиги вазири Александр Ткачевнинг таклифига жавобан Путин шундай деди: «Яхши. Келинглар, вазирнинг таклифига розилик билдирамиз».
«Мен президент маъмурияти ва ҳукуматдан мазкур масалани ҳуқуқшунослар билан муҳокама қилиб, тегишли қарорларни таклиф этишни сўрайман», — дея қўшимча қилди Россия президенти.
Эслатиб ўтамиз, аввалроқ Путин Европа Иттифоқига қарши контрсанкциялар муддатини бир йилга узайтиргани ҳақида хабар берилган эди.
Изоҳ (0)