АҚШ кинотеатрида юз берган отишма натижасида икки киши ҳалок бўлди

Американинг Луизиана штатидаги кинотеатрда юз берган отишма натижасида икки киши ҳалок бўлди, деб хабар беради «РИА Новости». Турли манбаларга кўра, етти нафардан тўққиз нафаргача киши яраланди.

Ҳодиса Лафейетт шаҳридаги Grand Theatre кинотеатрида «Бенуқсон қиз» фильми намойиши чоғида юз берди. Отишма кино бошланганидан 20 дақиқа ўтиб содир бўлди.

Гувоҳларнинг маълум қилишича, оқ танли, кексайган киши ўт очган. Кейин у ўз жонига қасд қилган. Полициянинг маълумотига қараганда, эркак 58 ёшда бўлган, унинг шахси ошкор этилмади.

Штат губернатори Бобби Жиндал воқеа жойига етиб келди.