Нигерия вокзалларидаги бир қатор портлашлар натижасида 40 дан ортиқ киши ҳалок бўлди

Нигерия шимоли-шарқидаги Гомбе шаҳрида 22 июль, чоршанба куни кечқурун содир бўлган бир қатор портлашлар натижасида 40 дан ортиқ киши ҳалок бўлди, деб хабар беради «Сегодня.ua».

Манбаларга қараганда, террорчилик ҳаракатлари шаҳарнинг икки автобус вокзалида амалга оширилган.

Ўтган пайшанбада экстремистлар томонидан Гомбе шаҳридаги марказий бозорда портлатиш амалга оширилган эди. Натижада 50 га яқин киши ҳалок бўлган, 70 дан ортиғи яраланган эди.