Хакерлар Chrysler автомобилларининг борт компьютерларини масофадан туриб бошқаришни ўрганди
Хакерлар Чарли Миллер ва Крис Валасек Chrysler автомобилларининг борт компьютерларида машинани масофадан туриб бошқаришга имкон берувчи заифлик борлигини аниқлади, деб хабар бермоқда «Tjournal.ru».
Уларнинг сўзларига кўра, 471 мингта Chrysler автомобили заводдан шундай камчилик билан чиққан. Миллер ва Валасек яқин вақт ичида маълумотларни кенг оммага эълон қилмоқчи.
Бунинг исботи сифатида Wired нашри муҳаррири Энди Гринберг Jeep Cherokee автомобилида Сент-Луис ташқарисига чиқиб, носозликни синаб кўрган. Хакерлар Uconnect тизимидан фойдаланиб, дастлаб автомобилнинг мусиқий маркази ва ойна артгичларини ҳаракатлантирган, кейин эса тормоз, рул ва тезликни ҳам бошқарган.
Ўз навбатида, Chrysler вакиллари компания муаммодан хабардорлигини маълум қилган ва бу унчалик жиддий эмаслигини қайд этган. Шунингдек, улар Миллер ва Валасек маълумотларни ошкор қилишни истаётганини танқид қилган.
