McDonald’s болага тўкиб юборилган қаҳва учун 100 минг рубль таклиф қилди

Москванинг Тверской тумани суди болага қаҳва тўкиб юборганлиги учун McDonald’s ресторанидан беш миллион рубль талаб қилаётган даъвогарнинг аризаси бўйича ишни 18 сентябрь куни кўриб чиқиш учун тайинлади. Бу ҳақда «Gazeta.ru» хабар беради.

Жавобгар томоннинг адвокати Максим Титаренконинг сўзларига қараганда, аризачи келишув битимини тузишдан бош тортиб, етказилган маънавий зарар учун товон пули талаб қилган.

Шу ўринда, даъвогарнинг адвокати Пётр Домбровицкийнинг маълум қилишича, McDonald’s ресторанининг вакиллари унинг мижозига маънавий зарар учун 100 минг рубль таклиф қилган.

Москвалик Алексей Карелов кассачининг қаҳва тўкиб юбориши натижасида унинг уч ёшли қизига шикаст етганлиги сабабли судга мурожаат қилган.