Ўзбекистон Вазирлар Маҳкамаси Олмалиқ шаҳрини ичимлик суви билан таъминлаш тизимини модернизация қилиш ҳақида қарор қабул қилди. «Anons.uz» хабарига кўра, ҳужжат 15 июль куни имзоланган.
Мазкур қарор билан «Сувоқова» шўба корхонаси томонидан 70 та насос сотиб олинишига рухсат берилди. Ускуналар ташкилотнинг ўз маблағлари ҳисобидан сотиб олинади.
Ускуналарни етказиб бериш бўйича шартнома, истисно тариқасида, тендер савдоларини ўтказмасдан, Даниянинг Grundfos компанияси билан имзоланади.
Ҳужжатда қайд этилишича, бу чоралар Олмалиқ шаҳри аҳолисининг ҳаёт сифатини яхшилаш ва одамларнинг ичимлик суви билан таъминланганлик даражасини оширишга хизмат қилади.
Изоҳ (0)