Нигина Абдураимова Бангкокдаги теннис турнирининг финалига чиқди

Теннис бўйича Ўзбекистон аёллар терма жамоаси аъзоси Нигина Абдураимова Халқаро теннис федерацияси томонидан Таиланднинг Бангкок шаҳрида ўтказилаётган халқаро турнирда финалга йўл олди, деб хабар қилади ЎзА.

Нуфузли мусобақа ярим финалида ўзбекистонлик истеъдодли теннисчи хитойлик Каи-Лин Жангга қарши кортга чиқди. Тенг курашлар остида ўтган баҳсда Нигина рақибасини 6:2, 3:6, 6:1 ҳисобида мағлубиятга учратди.

Энди у мусобақанинг ҳал қилувчи баҳсида япониялик Мию Като билан куч синашади.