Андижонда қайта таъмирланган Бобур майдонининг очилиш маросими бўлиб ўтди
Андижон вилоятида капитал таъмирлаш ва қайта тиклаш ишларидан сўнг, Бобур майдони очилди, деб хабар беради «Narodnoeslovo.uz». Вилоят марказида олиб борилган қурилиш ишлари унинг кўринишини тўлиқ ўзгартириб, уни янада ободонлаштириш ва замонавийлаштиришга хизмат қилди. Шаҳар аҳолисининг дам олиши учун қулайликлар яратилди.
Қисқа вақт, атиги 15 кун ичида лойиҳа баҳоси 1 миллиард 671 миллион сўмни ташкил этган катта ҳажмдаги ишлар бажарилди. Қурилиш ишларига энг яхши ташкилотлар жалб қилинди. Шаҳар ободонлаштириш бошқармаси томонидан турли дарахтлар ва гуллар экилиб, янги майсазор барпо этилди.
Майдондаги энг диққатга сазовор жой мусиқий фонтан бўлди. Сув, мусиқа ва чироқлар иллюминацияси бир маромга мослаштирилган. Товушни кучайтирувчи мосламалар шундай жойлаштирилганки, мусиқа садолари бутун майдон ва унинг ташқарисига ҳам тарқалади.
