Қоҳира аэропортида икки самолёт тўқнашиб кетди

Қоҳира халқаро аэропортида икки йўловчи самолёти тўқнашиб кетди. Airbus-340 ювиш жараёнидан сўнг ангардан чиқиб, парвоздан аввалги текширувдан кейин ёрдамчи ҳудудда турган Embraer-182 самолётига урилган. Бу ҳақда «Segodnya.ua» хабар бермоқда.

Airbus-340’нинг ҳаракат тезлиги юқори бўлмаган, бироқ иккала ҳаво кемаси ҳам жиддий шикастланган, таъмирга муҳтож. Ҳодиса натижасида жабрланганлар йўқ.

Дастлабки маълумотларга кўра, авиаҳалокат Airbus-340 техник учувчиси ва лайнерлар ҳаракатини бошқариш хизмати зобити айби билан рўй берган.