Монако фуқаролари Альбер II нинг фарзандларига қимматбаҳо буюмлар совға қилди

Монако аҳолиси 11 июль, шанба куни ҳукмдорлари Альбер II нинг етти ойлик гўдакларига Франциянинг Cartier модалар уйи томонидан тайёрланган қимматбаҳо зийнат буюмларини тақдим этди. Совғалар давлат раҳбари тахтга ўтирганлигининг 10 йиллиги муносабати билан ҳадя қилинган, дея хабар бермоқда «ТАСС».

«Гап Cartier уйи томонидан ўтган асрнинг 20 йилларида тайёрланган қимматбаҳо буюмлар ҳақида кетяпти, — дея изоҳ берди Монако мери Жорж Марсан. – Малика Габриэлла ‘модерн’ йўналишидаги нафис тўғноғичга, шаҳзода Жак эса ‘ар-нуво’ услубидаги Grande Tank Cintre соатига эга бўлди».

Совғаларни Альбер II қабул қилиб олди ва фарзандлари келгусида сулоланинг муносиб давомчилари бўлишига ишонч билдирди.