Чехиянинг Tошкентдаги элчихонаси Visa Point тизимини ишга туширади

Чехия давлатининг Тошкентдаги элчихонаси 2015 йилнинг 1 августидан Шенген визасини олиш учун Visa Point электрон рўйхатга олиш тизимини ишга туширади. Бу ҳақда «12news.uz» элчихона матбуот хизмати маълумотига таяниб хабар беради.

Маълумки, Шенген ҳудуди бу – Шенген қонунчилиги тўлиқ қўлланувчи бир қатор давлатлар ҳудудининг йиғиндиси ҳисобланади. Ушбу ҳудудда кишиларнинг ҳаракатланиш эркинлиги юқори даражада таъминланган бўлиб, паспорт назорати доимий тартибда амалга оширилмайди.

Шенген визасига эга фуқароларга, Европа Иттифоқи қонунчилигига асосан, Шенген ҳудудига аъзо давлатлар ички чегараларининг ихтиёрий қисмидан ўтишга рухсат берилади.