Венгриялик 165 кг вазндаги қўшиқчи Бритни Спирсники каби комбинезонда клипга суратга тушди

165 килограмм вазндаги венгриялик қўшиқчи Snowflake (Қор парчаси) ўзининг My Mission Is You қўшиғига ялтироқ тангачалари бўлган ҳарир комбинезонда клип ишлади. Бритни Спирс Toxic видеоролигида айнан шунақасини кийган эди, деб хабар беради The Daily Mail.

«Шоу-бизнес оламида ҳар бир кишининг тана тузилиши ўзига хосдир. Мен гавдали қўшиқчиларни қўллаб-қувватлаш учун шундай клип ишлашга қарор қилдим. Чунки уларга мансаб пиллапояларидан кўтарилиш ҳақиқатан ҳам қийин», — дейди Snowflake.

Қўшиқчи ушбу ролик юзасидан кўплаб салбий фикрларни эшитганлигини, бироқ уларга эътибор бермаганлигини тан олди.