Булунғурлик эркак олдин ҳам қалбаки акциз маркаларини ўтказиш билан шуғулланганлиги учун судланган эди. Ўшанда биринчи марта судланаётгани, ижобий тавсифланганлиги учун енгилроқ жазо қўлланилган эди. Кейинроқ эса амнистия акти туфайли жазодан бутунлай озод этилди, деб ёзади «Ҳуқуқ» газетаси.
Орадан бир неча йил ўтиб, у уйида қалбаки ароқ тайёрлаб сотишни йўлга қўяди. Бир гал танишидан 350 дона қалбаки акциз маркасини сотиб олди. Уйига келиб ишни бошлаган ҳам эди, ҳуқуқни муҳофаза қилувчи органлар ходимлари унинг қилмишини фош этди.
Унинг уйи кўздан кечирилганида, сотиш мақсадида сақлаб келинаётган 19 дона идишдаги этил спирти, 350 дона акциз маркаси, бир нечта бўш ароқ шишалари, этикеткалар ва турли маҳсулотлар ашёвий далил сифатида олиб қўйилди. Мазкур ҳолат юзасидан унга нисбатан жиноят иши қўзғатилиб, суд томонидан тегишли жазо тайинланди.
Изоҳ (0)