Австралиянинг Квинсленд штатида суратга олинаётган «Кариб денгизи қароқчилари»нинг бешинчи қисмида иштирок этаётган актёр Жонни Депп Lady Cilento клиникасидаги оғир касалликлардан азият чекаётган бемор болаларни қўллаб-қувватлашга қарор қилди. «Elle.ru» хабарига кўра, 52 ёшли актёр фильмнинг навбатдаги лавҳаси суратга олиб бўлинганидан сўнг, вертолётда кичик беморлар олдига йўл олди.
Қайд этиш жоиз, актёр бемор болаларни биринчи марта хурсанд қилаётгани йўқ. «Мен тез-тез шифохонадаги болалар олдига келиб, билдирмай улар олдига кираман ва кутилмаган совға тақдим этаман. Икки ёки уч соатлик ўзига хос импровизация юзага келади, бу жуда қизиқ. Шундай қилиб биз капитан Жек билан сайр қиламиз», — деганди Депп ўз интервьюларидан бирида.
Изоҳ (0)