Жаҳон банки Тожикистонни даромад даражаси ўртача мамлакатлар қаторига киритди

Жаҳон банки Тожикистонни даромад даражаси ўртача мамлакатлар қаторига киритди, бироқ мамлакат ушбу рўйхатнинг энг қуйи поғоналарида бормоқда, деб хабар берди «News.tj».

Жаҳон банки маълумотларига кўра, ҳозирда Тожикистонда аҳоли жон бошига даромадлар йилига 1000—4000 долларни ташкил этади. Тожикистондан ташқари, Бангладеш, Кения ва Мьянма ҳам даромад даражаси ўртача мамлакатлар қаторидан жой олишга муваффақ бўлган.

Жаҳон банки таснифида мамлакатлар жами тўрт хил даромад даражасига қараб бўлинган: паст, пастга яқин ўрта, юқорига яқин ўрта ва юқори.