Грузияда НАТОга аъзо 5 давлат иштирокидаги ҳарбий машғулотлар бошланди

8 июль, чоршанба куни Грузия пойтахти Тбилиси шаҳридан 25 километр узоқликдаги Вазиани ҳарбий базасида НАТОга аъзо 5 мамлакат иштирокидаги Agile Spirit ўқув машғулотларининг расмий очилиш маросими ўтказилди, деб хабар қилади «РИА Новости».

Маросимда Грузия мадҳияси янгради. Тадбирда Грузия Қуролли кучлари бош штаби ва Мудофаа вазирлиги раҳбарлари иштирок этди.

Грузиялик ҳарбийлар билан биргаликда машғулотларда АҚШнинг 220 га яқин денгиз пиёда қўшинлари, бундан ташқари, Руминия, Болгария, Латвия ва Литва армияси вакиллари иштирок этади.