Ассанж АҚШ Миллий хавфсизлик агентлиги Лотин Америкаси хабарларининг 98 фоизини тутиб қолаётганлигини маълум қилди

WikiLeaks асосчиси Жулиан Ассанж АҚШ Миллий хавфсизлик агентлиги Лотин Америкаси хабарларининг 98 фоизини тутиб қолаётганлигини маълум қилди. Бу ҳақда «РИА Новости» хабар беради.

Бундан ташқари Ассанж Google ва Facebook компанияларининг МХАга маълумотларни ушлаб қолишда ёрдам бераётганини таъкидлади.

«Улар АҚШда жойлашганлиги сабабли ушбу давлатнинг юрисдикцияси остидадир. Жиноят қонунчилиги уларни  тўплаётган маълумотларни топширишга мажбур қилади», — дейди Ассанж.